Noticias

05-04-2020

A área de Obras e Servizos reforzou os labores de limpeza e desinfección dos colectores do lixo para axudar a frear a propagación do coronavirus.

A Concellería estableceu un lavado diario de colectores, de maneira que se están hixienizando unha media de 100 unidades cada xornada.

Os operarios de Obras e Servicios seguen o protocolo de lavado que consiste na aplicación dun produto deterxente-desengraxante pola parte interior e logo lávanos con auga a presión. Despois vólvese aplicar desinfectante no exterior. Ver vídeo

Recordámosvos que os horarios e as rutas de recollida seguen sendo os habituais, co obxectivo de manter en perfecto estado as vías e os espazos públicos.

Pregámosvos a máxima colaboración para facilitar o traballo do servizo e para manter as illas de colectores nas mellores condicións hixiénicas. Por iso é importante tirar o lixo cerca da hora en que vaia pasar o camión da recollida, asegurarse de que as bolsas van ben pechadas e nunca deixalas na beirarrúa.

Lembramos, por último, que o servizo de recollida de voluminosos está suspendido mentres dure o Estado de Alarma -que se vai prolongar até o 25 de abril- e, polo tanto, non debemos sacar á rúa mobles vellos, electrodomésticos e outros restos que non poidan depositarse nos colectores convencionais.

Colaboremos todas e todos para non converter as rúas nun vertedoiro incontrolado.

03-04-2020

A área de Formación e Emprego analiza a situación do tecido laboral de cara a impulsar medidas económicas que axuden a paliar os efectos da crise sanitaria

O coronavirus paralizou por completo o país, provocando un freazo en seco do tecido productivo e unha máis que segura perda de empregos. Por iso dende a concellería de Formación e Emprego de Fene levan varios días contactando coas empresas de todos os sectores  para coñecer de primeira man como lles está afectando o Estado de Alarma e, sobre todo, para ter unha aproximación á realidade o máis certeira posible dos principais problemas  e preocupacións que pesan sobre o tecido laboral do municipio. A partir de aí, o Concello ten previsto aplicar medidas de tipo económico coas que se pretende minimizar o impacto da crise sobre o emprego. Neste sentido estúdanse fórmulas legais que permitan  axudar a pemes e autónomos durante o tempo en que os pequenos negocios deban estar pechados. Por outra banda, e en coordinación con Viaqua -empresa concesionaria da rede de abastecemento e sumidoiros-, ampliarase ata os 90 días o período de pagamento voluntario dos custes fixos do recibo. Ademais, tan pronto se restableza a normalidade, tamén se levarán adiante programas formativos e de dinamización comercial  que axuden a acelerar a recuperación.

 A área de Formación e Emprego centrou boa parte dos seus esforzos nos últimos días en atender consultas e dúbidas sobre as restricións de actividades e as distintas medidas publicadas polo Goberno do Estado para compensaro golpe da COVID-19 sobre a economía e o emprego. Porén, o departamento municipal tamén contactou cos principais sectores do municipio de cara a diagnosticar a situación real do tecido produtivo local.

O Concello de Fene pon en marcha a partir deste sábado o programa #Fenequedanacasa

O Concello de Fene pon en marcha a partir deste sábado o programa #Fenequedanacasa coa participación dos Departamentos de Cultura, Deportes, Arquivo, Administración electrónica e Biblioteca Municipal de Fene. Segundo avanzan dende o Goberno Municipal, o proxecto foi creado fundamentalmente para a veciñanza de Fene e vai encamiñado a facerlle máis doado este período de confinamento. A iniciativa artellarase ao redor da páxina de Facebook “Fenequedanacasa” e aglutinará distintas propostas socioculturais e de mantemento físico, así como iniciativas de interacción/socialización que contribúan a ocupar este tempo dun xeito saudable e socioculturalmente activo.


O Concello de Fene mantén a súa actividade administrativa có teletraballo

O Concello de Fene facilitou aos traballadores e traballadoras municipais accesos os que lles permite acceder en liña ás súas aplicacións informáticas como un día normal.

A día de hoxe acceden en liña ás súas aplicacións informáticas os mesmos traballadores/as que o farían de forma presencial, nun día normal. O 100% do cadro de persoal ten acceso externo e conéctanse có xestor de expedientes e outros 40 usuarios /as dispoñen de acceso remoto completo aos seus computadores.


As liñas telefónicas tamén seguén activas, xa que o cadro de persoal que está a traballar dende a casa dispón da liña de teléfono do concello.


Continúan as desinfeccións nas rúas e nos edificios públicos

A limpeza e a desinfección das rúas e dos accesos a edificios frecuentados por moitos dos nosos veciños e veciñas, estase a converter para a Concellería de Obras e Servizos nunha medida diaria de prevención e loita contra o covid-19. En colaboración con membros de protección civil,  realízanse diariamente tarefas de desinfección nas oitos parroquias do noso concello.

O servizo de limpeza e recollida de lixo traballa a pleno rendemento. Sendo de gran importancia que a veciñanza de Fene cumpra coas recomendacións de xestión de residuos publicadas recentemente e extreme as medidas hixiénicas para previr contaxios do covid-19.

O servizo de recollida de voluminosos, realizarase esta semana, no obstante nas vindeiras semanas cancélase debido a que a planta de recollida pechou por mor das novas restricións .

Finalmente a Concellería quere agradecer a cidadanía de Fene a súa colaboración, e recordar a importancia de limitar as saídas á rúa e extremar as medidas hixiénicas  . 
 


Axenda

Tamén en fene.gal